Friðrik Þór Friðriksson er sjálfmenntaður kvikmyndagerðamaður og
er óhætt að segja að engin hefur afkastað eins miklu í kvikmyndagerð
hér á landi og hann. Myndir Friðriks eru í senn mjög persónulegar og
eiga sér sterkar rætur í íslenskri menningu, enda fjalla þær gjarnan um
persónur á mörkum hefðar og nútíma.

Friðrik hóf kvikmyndagerð sína með því að gera nokkrar tilrauna-
kvikmyndir og heimildamyndir á öndverðum níunda áratugnum.
Friðrik hlaut alþjóðlega viðurkenningu og lofsamlega dóma fyrir
aðra leiknu mynd sína, Börn náttúrunnar (1991) sem var tilnefnd til
Óskarsverðlaunanna sem besta erlenda myndin árið 1992.
Leikstjórinn lýsir myndinni sem ,,vegamynd um gamalt fólk" en þetta
er hugljúf ástarsaga manns og konu sem komin eru af léttasta skeiði
og langar að heimsækja æskustöðvar sínar áður en þau deyja.
Engin önnuríslensk mynd hefur fengið jafnmargar alþjóðlegar
viðurkenningar og lof eins og "Börn náttúrunnar"
Myndin hefur fengið hvorki meira né minna en 23 alþjóðleg verðlaun.

Kvikmyndir Friðriks Þórs hafa með einstæðum hætti snert streng
hjá íslensku þjóðinni, sem hefur flykkst í bíó til að sjá hvaða augum
hann lítur hana. Rúmlega helmingur íslensku þjóðarinnar sá
t.a.m. kvikmynd hans, "Englar alheimsins" sem frumsýnd var árið 2000.

Friðrik Þór hlaut heiðursverðlaun Eddunnar árið 2008 fyrir framlag sitt
til íslenskrar kvikmyndagerðar.

KVIKMYNDIR LEIKSTJÓRANS:

Kvikmyndir í fullri lengd:

Skytturnar (1987)
Börn náttúrunnar (1991)
Bíódagar (1994)
Á köldum klaka (1995)
Djöflaeyjan (1996)
Englar alheimsins (32000)
Fálkar (2002)
Næsland (2004)

Heimildamyndir – Stuttmyndir – tilraunakvikmyndir:

Njáls saga ( 1980)
Eldsmiðurinn (1981)
Rokk í Reykjavík (1982)
Kúrekar norðursins (1984)
Hringurinn (1985)